Икки нафар Буюк Британия фуқароси Австрия тоғларида ҳалокатга учради, дея хабар бермоқда The Guardian маҳаллий полицияга таяниб.
Ҳодиса Гросглокнер йўлининг энг баланд нуқтаси яқинида — денгиз сатҳидан 2504 метр баландликдаги ноқонуний автомобиль пойгаси чоғида содир бўлди.
Ичида 22 ва 25 ёшдаги икки йигит бўлган спорт автомобили ўнгга бурилиб кетди, сўнг у тўсиқни ёриб ўтиб, 300 метр баландликдан пастга қулади.
Полициядагилар воқеа жойидан яширинган иккинчи машина ҳайдовчисини қидираётганини маълум қилди. Жасадларни олиб кетиш учун вертолёт юборилди.
Изоҳ (0)