Америкалик Элизабет Даймондда 2014 йил августида мия саратонининг тўртинчи босқичи кечаётгани аниқланди. «BigPicture.ru»нинг ёзишича, Элизабет ўлимидан сўнг оиласининг ҳоли не кечишини ўйлаб, даҳшатга тушди.
Бироқ Элизабетни бешинчи синфдан бери биладиган дугонаси — Лора Руффино, агар Элизабетга нимадир бўладиган бўлса, унинг тўрт нафар қизини асраб олишга ваъда берди. Ёлғиз она ҳисобланган Элизабет 2015 йил апрелида вафот этди ва Лора ваъдасининг устидан чиқди.
Лоранинг турмуш ўртоғи билан бирга икки қизи бор эди, энди уларнинг сони икки баробар ошди. Мазкур ажойиб оила истиқомат қиладиган Нью-Йоркдаги туман аҳолиси ёрдам кўрсатмоқда, жумладан, уларнинг кўмаги билан 80 минг доллар ёрдам тўпланди.
«Ўн йил аввал ҳаётим бундай кўриниш олади, деб ўйламагандим. Лекин сен билан нимадир бўладиган бўлса, чорловни қабул қилиш ва қўлингдан келганини қилиш лозим», — дейди Лора.
Изоҳ (0)