Бурундининг амалдаги раҳбари Пьер Нкурунзиза президентлик сайловларида ғолиб чиқди ва учинчи муддатга қайта сайланди. Бу ҳақда маҳаллий сайлов комиссиясига таяниб, AFP агентлиги маълум қилди, дея хабар бермоқда «Kommersant.ru».
Сайлов комиссияси раҳбари Пьер Клавер Ндайикарийенинг маълум қилишича, Нкурунзиза 69,41% овоз тўплаган. Ундан кейинги ўринда амалдаги президентнинг асосий рақиби Агатон Рваса бормоқда: унинг учун сайловчиларнинг салкам 19 фоизи овоз берган.
Эслатиб ўтамиз, олдинроқ Бурундида президент Пьер Нкурунзизанинг мамлакат Конституциясига зид равишда учинчи муддатга сайланиш ҳақидаги қарорига қарши норозилик намойишлари бўлиб ўтган, шундан сўнг маъмурлар митинглар ўтказишни тақиқлаб қўйганди.
Изоҳ (0)