АҚШнинг Душанбедаги элчихонаси Америка фуқароларига табиий офатлар ҳукмронлик қилаётган Тожикистоннинг тоғли туманларига боришдан тийилишни, ушбу ҳудуддаги фуқароларга эса уерни тарк этишни тавсия қилди, деб хабар бермоқда «РИА Новости».
Ҳаво ҳароратининг юқори бўлиши натижасида тоғли ҳудудлардаги музлар эриши тезлашди, натижада 16—21 июль кунлари сув тошқинлари ва ўпирилишлар кузатилди. Тожикистон ТИВ хабарига кўра, 7 киши ҳалок бўлди, яна 5 киши изсиз йўқолди. Минглаб кишилар бошпанасиз қолди.
Мамлакат иқтисодиётига етказилган зарар 100 миллион долларга баҳоланмоқда. Республика ҳукумати офат оқибатларини бартараф этиш учун дунё ҳамжамиятидан ёрдам сўради.
Америка элчихонаси яна Тожикистонга ёрдам бериш масаласи устида иш олиб борилаётганини қайд этган. «Айни вақтда биз халқаро ҳамжамият билан фавқулодда ёрдам бериш масаласи бўйича иш олиб боряпмиз. Бизнинг хаёлларимиз Тожикистон аҳолиси билан бирга», — деб қўшимча қилинган элчихона баёнотида.
Изоҳ (0)