20 июль, душанба куни Туркия жануби-шарқида, Сурия билан чегара яқинида кучли портлаш содир бўлиши туфайли камида 30 киши ҳалок бўлди, дея хабар бермоқда «ТАСС» CNN Türk телеканалига таяниб. Яна юзга яқин киши яраланган.
Полиция вакиллари маълум қилишича, терактни 18 ёшли қиз амалга оширган, у Шонлиурфа провинциясининг Суруч уездида жойлашган Амара Маданият марказида портловчи қурилмани ҳаракатга келтирган. Бу ерда Ёш социалистлар жамиятлари федерациясининг 300 га яқин вакиллари яшайди.
Портлаш ушбу ташкилот талабаларининг чиқишлари чоғида амалга оширилган, улар матбуотга Суриянинг кўп ойлар давомида ИШИД таъсири остида бўлиб келаётган Кобани шаҳрини қайта тиклаш учун бормоқчи эканлигини маълум қилиш ниятида бўлган.
Ҳозирча ҳеч қайси экстремистлар гуруҳи теракт учун жавобгарликни бўйнига олганича йўқ.
Изоҳ (0)