Turkiyada sodir etilgan teraktda 30 kishi qurbon bo‘ldi

20-iyul, dushanba kuni Turkiya janubi-sharqida, Suriya bilan chegara yaqinida kuchli portlash sodir bo‘lishi tufayli kamida 30 kishi halok bo‘ldi, deya xabar bermoqda “TASS” CNN Türk telekanaliga tayanib. Yana yuzga yaqin kishi yaralangan.

Politsiya vakillari ma’lum qilishicha, teraktni 18 yoshli qiz amalga oshirgan, u Shonliurfa provinsiyasining Suruch uyezdida joylashgan Amara Madaniyat markazida portlovchi qurilmani harakatga keltirgan. Bu yerda Yosh sotsialistlar jamiyatlari federatsiyasining 300 ga yaqin vakillari yashaydi.

Portlash ushbu tashkilot talabalarining chiqishlari chog‘ida amalga oshirilgan, ular matbuotga Suriyaning ko‘p oylar davomida IShID ta’siri ostida bo‘lib kelayotgan Kobani shahrini qayta tiklash uchun bormoqchi ekanligini ma’lum qilish niyatida bo‘lgan.

Hozircha hech qaysi ekstremistlar guruhi terakt uchun javobgarlikni bo‘yniga olganicha yo‘q.