Жаҳон банки раҳбари Жим Ён Ким Пекинга сафари чоғида Хитой жаҳон иқтисодиётининг двигатели бўлиб қолишини ва ялпи ички маҳсулотининг йиллик ўсишини 7 фоиз даражасида кўрсата олишини маълум қилди, деб хабар бермоқда «ТАСС».
«Фонд биржасидаги сўнгги ўзгаришлар асносида шуни таъкидлашни истардимки, Хитой иқтисодиёти кучли бўлиб қолмоқда ва унинг асоси яхши ҳолатда. ЯИМнинг 7 фоизлик ўсиши ҳозир ҳам бутун дунё учун ҳавас қилгулик натижа. Хитой шубҳасиз жаҳон тараққиётидаги ўз ролини кучайтиради», − деди Жим Ён Ким.
Қайд этилишича, Хитойда ЯИМ 2010 йилда 10,4 фоизга, 2011-ёлда 9,2 фоизга, 2012 йилда 7,8 фоизга, 2013 йилда 7,7 фоизга, 2014 йилда 7,4 фоизга ўсган. 2015 йил иккинчи ярмида ЯИМ ўсиши 7 фоизни ташкил этиши тахмин қилинмоқда.
Изоҳ (0)