Jahon banki: Xitoy jahon iqtisodiyotining dvigateli bo‘lib qoladi va YaIMi 7 foizga o‘sishda davom etadi
Jahon banki rahbari Jim Yon Kim Pekinga safari chog‘ida Xitoy jahon iqtisodiyotining dvigateli bo‘lib qolishini va yalpi ichki mahsulotining yillik o‘sishini 7 foiz darajasida ko‘rsata olishini ma’lum qildi, deb xabar bermoqda “TASS”.
“Fond birjasidagi so‘nggi o‘zgarishlar asnosida shuni ta’kidlashni istardimki, Xitoy iqtisodiyoti kuchli bo‘lib qolmoqda va uning asosi yaxshi holatda. YaIMning 7 foizlik o‘sishi hozir ham butun dunyo uchun havas qilgulik natija. Xitoy shubhasiz jahon taraqqiyotidagi o‘z rolini kuchaytiradi”, − dedi Jim Yon Kim.
Qayd etilishicha, Xitoyda YaIM 2010-yilda 10,4 foizga, 2011-yolda 9,2 foizga, 2012-yilda 7,8 foizga, 2013-yilda 7,7 foizga, 2014-yilda 7,4 foizga o‘sgan. 2015-yil ikkinchi yarmida YaIM o‘sishi 7 foizni tashkil etishi taxmin qilinmoqda.
