14 июль куни тонгда Нью-Йорк биржасида Twitter компаниясининг акциялари бирдан қимматлашиб кетди. Нархлар 8 фоизга ошди, бу эса компания капитализациясини тахминан икки миллиард долларга оширди, деб хабар қилади Meduza.
Капитализациянинг ўсишига Twitter’нинг 31 миллиард долларга сотилиши мумкинлиги ҳақидаги сохта хабар сабабчи бўлган. Янгилик Bloomberg агентлигининг ҳақиқий сайти дизайнидан кўчирма қилиб ясалган, сохта blommberg.market сайтида чоп қилинган. Хабарда харидор Google бўлиши мумкинлиги ҳақида ёзилган.
Twitter директори Дик Костоло июнь ойида истеъфога чиққанидан кейин компаниянинг сотилиши ҳақидаги гап-сўзлар тарқалганди. Кўпчилик Twitter’ни сотиб олишга фақат Google қодир, деб ҳисобламоқда.
Ижтимоий тармоқнинг биржадаги қиймати айни вақтга келиб 25 миллиард доллардан ошмаяпти.
Эслатиб ўтамиз, бу каби сохта хабарлар туфайли Twitter’нинг қиймати илгари ҳам бир неча маротаба ошиб кетган.
Изоҳ (0)