Мексика маъмурлари қамоқхонадан қочган наркобарон Эль Чапонинг қўлга олинишига ёрдам берадиган маълумот учун 4 миллион доллар тўлашга тайёр. Бу ҳақда мамлакат ички ишлар вазирлиги ва бош прокуратурасидаги манбаларга таяниб, «ТАСС» маълум қилмоқда.
13 июль, душанба куни EFE агентлиги наркобарон қочишга муваффақ бўлган ўта қаттиқ тартибли Альтиплано қамоқхонасининг 49 нафар ходими қўлга олингани ҳақида хабар берди. Улар орасида муассаса директори Валентин Карденас Лерма, қўриқчилар, маъмурият вакиллари бор.
Эслатиб ўтамиз, Эль Чапо лақабли «Синалоа» наркогуруҳи етакчиси Хоакин Гусман 12 июль, якшанба куни қамоқдан қочган эди. Уни озод қилиш учун 10 метр чуқурликда узунлиги 1,5 километр бўлган ерости йўли қазилган.
Изоҳ (0)