Хитойда очилаётган роботлар супермаркети 20 минг квадрат метр майдонга эга бўлиб, у шу йилнинг сентябрь ойида Гуандун провинциясининг Фошан шаҳрида очилади, деб хабар беради «Uz24.uz».
Ҳозирда ушбу ноодатий лойиҳани амалга ошириш учун жадал тайёргарлик кўрилмоқда. Супермаркетда Хитой ва хорижнинг 30 та таниқли бренди маҳсулотлари сотилиши режалаштирилган.
«Моя планета» нашрининг қайд этишича, йилдан йилга роботлар инсонларнинг кундалик ҳаётига чуқур кириб келмоқда. Робот-чангютгич, бассейнлар, компьютер экрани, иш столини тозаловчи робот, чой дамловчи робот ва ҳоказолар бунга мисол бўла олади. Шунингдек, хитойликларнинг сўнгги ихтироси бу — ёлғиз қарияларни парваришловчи робот-ҳамширадир.
Маълумотларга кўра, Хитойда ўтган йили 56 минг саноат роботи сотилган.
Изоҳ (0)