Мисрлик Нагиб Савирис 35 млн евро эвазига Euronews каналининг 53 фоиз акциясини сотиб олди

Media Globe Networks компанияси Euronews каналининг 53 фоиз акциясини сотиб олди, деб хабар қилади «Ведомости».

Media Globe Networks компанияси Савирислар оиласига тегишли ва Нагиб Савирис томонидан бошқарилади. Савирис Euronews’га 35 миллион эвро капитал киритиш эвазига канал бошқарув пакетининг 53 фоизини қўлга киритди. Қолган пакетларга 21 та миллий телехолдинг ва 3 та давлат эгалик қилади.

Савирис халқаро каналнинг бошқарув пакетини қўлга киритмоқчи эканлиги жорий йилнинг май ойида маълум бўлганди. Ўшандан кейин Euronews акционерлари ушбу келишувни маъқуллади.

Euronews канали 1993 йилда ишга туширилган ва ҳозирда 156 та давлатда намойиш қилинади. Каналнинг йиллик бюджети 75 миллион еврога тенг.