Греция ҳукумати янги ислоҳотлар режасининг бажарилиши ҳисобига халқаро кредиторлардан 53,5 миллиард евро миқдорида молиявий ёрдам олишга умид қилмоқда. Бу ҳақда Meduza хабар бермоқда.
Афина томонидан тайёрланган режа 10 июль куни Еврокомиссияга юборилган. У Европа Иттифоқига аъзо мамлакатларнинг 12 июль куни бўладиган саммитида муҳокама қилинади.
Еврокомиссия Грециядан ислоҳотлар режасини олганини тасдиқлади, бироқ на унинг мазмуни ҳақида ва на Афинанинг янги кредитларни олиш ҳақидаги сўрови юзасидан изоҳ берди.
Греция ҳукуматининг қайд этишича, 2018 йилга қадар давлат қарзига хизмат кўрсатиш, узоқ муддатли қарз мажбуриятларини реструктуризация қилиш, шунингдек, иқтисодий ислоҳотларни ўтказиш учун 53,5 миллиард евро миқдоридаги молиявий ёрдам зарур.
Изоҳ (0)