Америкалик ота селфи-таёқ ёрдамида қизини ўлимдан қутқариб қолди

АҚШнинг Техас штатида истиқомат қилувчи Дерик Жонс 16 ёшли қизи Эринни селфи-таёқ ёрдамида ўлимдан қутқариб қолди, дея хабар бермоқда ABC News.

Нантакет оролида дам олиш вақтида Жонс қизи билан бирга Атлантика океанида сузиб, барча воқеа-ҳодисани селфи-таёққа ўрнатилган GoPro камерасига тасвирга олиб кетаётган эди.

Бир вазиятда улар кучли оқимга тушиб қолади, мувозанатни йўқотган Эрин чўка бошлади, бироқ ота селфи-таёқни унга узатишга улгуради ва шу йўл билан қизнинг соҳилга қадар сузиб келишига ёрдам беради.

Қайд этишларича, Эрин мустақил равишда соҳилга сузиб чиқа олган, Дерикни эса сўнгги лаҳзада кучли тўлқин қирғоқдан нари олиб кетган. Унинг сувдан чиқишига бошқа дам олувчилар ва қутқарувчилар ёрдам берган.

Собиқ денгиз пиёдаси ҳисобланган Жонснинг сўзларига кўра, бу унинг ҳаётидаги энг даҳшатли ҳодиса бўлди.