АҚШда Тики лақабли оч лабрадор соч учун мўлжалланган 62 тасма, саккиз жуфт ички кийим ва бинтни еб қўйди. «Korrespondent.net»нинг хабар беришича, жониворнинг ошқозонидаги бу буюмларнинг барчаси жарроҳлик йўли билан олиб ташланган.
Ноодатий беморни Good Shepherd's Veterinary Hospital’га диарея, қусиш ва иштаҳа йўқолишидан шикоят қилиб олиб келишган. Тикининг организми дориларни қабул қилмаганидан сўнг, шифокорлар уни рентгендан ўтказишди ва ошқозонида бегона буюмлар борлигини аниқлашди.
Шифокорлар икки соат давомида жониворни операция қилишди. Клиниканинг ҳайратда қолган ходимлари жониворнинг ошқозонидан соч учун 62 тасма, саккиз жуфт ички кийим ва бинтни олишди.
Ит эгаси Сара Вайсснинг сўзларига кўра, аввалроқ Тики пластик найзачани ютиб юборган, бироқ у табиий йўл билан чиқиб кетганди.
Изоҳ (0)