Энди «Дарё» янгиликларини Telegram мессенжери орқали ўқишингиз мумкин! Бунинг учун Telegram'да @daryobot'ни қидиринг ва «Старт» тугмасини босинг. Шунда янгиликлар сизга Telegram орқали юборилади.
«Ушбу имконият ‘Дарё’ янгиликларидан бохабар бўлишни янада қулайлаштиради», — дейди нашр раҳбари Фарҳод Файзуллаев.
Telegram орқали «Дарё» янгиликларини юбориш мессенжернинг 3.0 версиясида тақдим этилган Bot API ёрдамида амалга оширилади. Бу API Telegram яратувчилари томонидан 24 июнь куни эълон қилинган эди.
«Дарё» янгиликларини узлуксиз қабул қилиш учун Telegram'ни сўнгги версиягача янгилашни тавсия қиламиз.
Мабодо мессенжер орқали хабарларни қабул қилишни хоҳламай қолсангиз (мабодо-да), /stop буйруғини юборинг ва @daryobot'ни ўчириб ташланг. Умид қиламиз-ки, сиз ҳеч қачон бу ишни қилмайсиз :-)
Эслатиб ўтамиз, «Дарё» Ўзбекистондаги энг оммабоп интернет-нашр ҳисобланади. Июнь ойида сайтга 570 000, йил бошидан буён эса 2 миллиондан ортиқ киши ташриф буюрган.
Изоҳ (0)