Малайзия БМТнинг Донецк яқинида «Боинг»нинг ҳалокатга учрагани тўғрисидаги иш бўйича халқаро трибунал ташкил этиш ҳақидаги резолюцияси лойиҳасини ишлаб чиқди, дея хабар бермоқда Meduza.
Ушбу ҳужжатда айтилишича, трибунал ишнинг мустақил ва холисона кўриб чиқилиши кафолатини таъминлайди. Резолюция муаллифлари дунёнинг барча мамлакатларини трибунал билан ҳамкорлик қилишга чақирмоқда.
Эслатиб ўтамиз, июнь охирида нидерландияликлар БМТ Хавфсизлик кенгаши ҳузурида Украина осмонида уриб туширилган «Боинг» иши бўйича халқаро трибунал яратиш ташаббусини илгари сурган эди. Ушбу иш билан боғлиқ юридик ва сиёсий мураккабликлар Нидерландия ҳукуматини халқаро трибунал яратиш ҳақида ўйлаб кўришга ундаган.
Изоҳ (0)