Миср суди давлат байроғи рангидаги либосда рақс ижро этган аёлни олти ойга озодликдан маҳрум этиш тўғрисида ҳукм чиқарди. Бу ҳақда BBC радиосига таяниб, «Газета.ru» хабар бермоқда.
Айни пайтда унинг гаров эвазига қўйиб юборилиши ёки қамоққа олиниши номаълум бўлиб турибди. Озодликдан маҳрум этишдан ташқари, суд раққосани 2 минг доллар жаримага ҳам тортди. Бу жазо бир йил аввал кучга кирган миллий байроқни таҳқирлашга қарши кураш тўғрисидаги қонунга асосан чиқарилди.
Асли арман миллатига мансуб Сафиназ исмли раққоса Мисрда маҳаллий байрамлардаги иштироки ва кинодаги роллари орқали танилган.
Изоҳ (0)