Тошкент марказидаги Шастри кўчасида Ҳиндистон собиқ бош вазири Лаъл Баҳодур Шастри шарафига ўрнатилган ҳайкал Ҳиндистондан келадиган делегациялар мунтазам ташриф буюрадиган объектлардан биридир, деб ёзади «Газета.uz».
Йил давомида расмийлардан иборат автобуслар ва микроавтобуслар ҳайкал олдида тўхтаб, 1966 йили Тошкентда Ҳиндистон ва Покистон ўртасида тинчлик баёноти имзоланганидан сўнг вафот этган ёрқин давлат раҳбарига ҳурмат бажо келтиради.
Ҳиндистоннинг амалдаги бош вазири Нарендра Моди 6—7 июль кунлари Ўзбекистонга келади ва Шастри ҳайкалига ташриф буюриш унинг дастуридан ўрин олгани шубҳасиз.
Ҳайкал атрофидаги ҳудуд шаҳар ободонлаштириш хизматларининг доимий назоратидадир. Модининг ташрифи арафасида бу ерда навбатдаги кенг миқёсли ободонлаштириш ишлари олиб борилди.
Ободонлаштириш ишлари 3 июль, жума куни якунига етган эди.
Изоҳ (0)