The Street Barber тахаллуси билан танилган 26 ёшли Назир Субҳоний сартарошлик қилади, дея хабар бермоқда «AdMe.ru».
Ҳафтанинг олти куни давомида у салонда сартарошлик қилади, еттинчи куни эса Мельбурн кўчаларига чиқиб, уйсизларнинг соч ва соқолларини бепул олади.
Назир иш вақтида улар билан суҳбатлашаркан, янги ҳаётни бошлаш учун ҳеч қачон кеч эмаслигига уларни ишонтиришга ҳаракат қилади.
«Турмаклар уларга янги ҳаёт бошлашга ёрдам беради, ўзимга ҳам ҳаммасини бошдан бошлаш учун бир имкониятдир», — дейди Назир.
Сартарошнинг сўзларига кўра, унинг ўзи узоқ вақт давомида гиёҳванд моддаларга боғланиб қолганди, кўзгуга қарашга куч тополмасди ва атрофдагилардан уяларди.
«Текинга сартарошлик қилиш – менинг янги ‘наркотигим’. Яхшилик қилиш мени ҳақиқатан ҳам ўнгламоқда», — дея қувонади Назир.
Изоҳ (0)