Хитойда вайрон бўлган пойабзал фабрикасидаги қурбонлар сони тўққиз кишига етди. Бу ҳақда «Kommersant.ru» хабар бермоқда.
Ҳодиса 4 июль, шанба куни Хитой шарқидаги Чжэцзянь вилоятида жойлашган Wenling City пойабзал фабрикасида юз берганди.
Вайроналар остида ўнлаб одамлар қолиб кетган. Қутқарувчилар вайроналар остидан 42 кишини олиб чиққан, улар касалхонага ётқизилган.
«Синьхуа» ахборот агентлиги маълумотларига кўра, бино қулаган вақтда унинг ичида 51 киши бўлган.
Ҳозирги вақтда ҳодиса сабаблари ўрганилмоқда.
Изоҳ (0)