Universal студияси Apple компанияси асосчисига бағишланган ва режиссёр Денни Бойл томонидан суратга олинган «Стив Жобс» фильмининг трейлерини YouTube’да намойиш этди. Фильмда бош ролни актёр Майкл Фассбендер ижро этган.
Фильмнинг расмий синопсисига кўра, унда воқеалар Apple’нинг учта машҳур маҳсулотлари тақдимоти атрофида кечади. Трейлерда, шунингдек, Жобснинг компания асосчиларидан бири Стив Возняк билан келиша олмаётгани, кашфиётчининг ўзининг никоҳдан ташқари туғилган қизи Лиза Бреннанни тан олмагани ва 1985 йили Apple’дан ҳайдалгани каби лавҳалар бор.
Фассбендердан ташқари фильмда Сет Роген (Возняк ролида), Кейт Уинслет (дастлабки Macintosh компьютерларини ишлаб чиққан жамоа аъзоси Жоанна Хоффман сифатида) ва Жефф Дэниелс (Жобсни ҳайдаган Apple раҳбари Жон Скалли ролида) кабилар суратга тушган.
Фильм 9 октябрь куни прокатга чиқарилади.
https://youtu.be/aEr6K1bwIVs
Изоҳ (0)