Данни Блинд 1 августдан бошлаб Голландия терма жамоаси бош мураббийи сифатида иш бошлайди. Нидерландия Қироллик футбол уюшмаси Блинд билан 3 йиллик шартнома имзоланганини расман тасдиқлади, деб хабар беради «Olamsport.com».
Данни бунгача ҳафта аввалида истеъфо берган Гус Хиддинкнинг ёрдамчиси сифатида ишлаб келаётган эди.
Аслида Блинд Хиддинкнинг ўрнини Евро-2016 дан сўнг эгаллаши кутилаётганди. Лекин саралаш баҳсларидаги қониқарсиз натижалар сабаб Хиддинк муддатидан олдинроқ истеъфога чиқарилди.
Гус бошчилигида голландлар ўтказилган 10 та учрашувдан атиги 4 тасида зафар қучди. Голландия терма жамоаси Блинд бошчилигидаги илк учрашувни 3 сентябрь куни гуруҳ пешқадами Исландияга қарши ўтказади.
Изоҳ (0)