Бизнесмен Алишер Усмонов Россия президенти Владимир Путин билан бўлиб ўтган учрашув чоғида «Металлоинвест» холдинги санкцияларга қарамай руда ишлаб чиқариш ҳажмини 3 фоизга ўстирганини маълум қилди, деб хабар беради «ТАСС».
«Бизнинг ‘Металлоинвест’ холдингимиз ишлаб чиқаришни сусайтирмади, аксинча, биз темир рудаси ишлаб чиқаришни 3 фоизга оширдик», деди тадбиркор ва «Афсуски, фақатгина 3 фоиз», деб қўшимча қилди.
Давлат раҳбари илтимосига биноан Усмонов ўз холдинги мисолида мамлакат иқтисодиётини қандай кўраётгани ҳақида гапириб берди.
«Ҳозирги кунда иқтисодиётда юз бераётган ўзгаришлар мамлакатимизга нисбатан салбий рол ўйнамоқда. Улар компанияларимиз учун технологияларни яхшилашни мураккаблаштирмоқда, ишлаб чиқариш жараёнини тўхтатмоқда. Лекин шу билан бирга улар кучларимизни бирлаштирмоқда. Банклар ҳозир ҳам бизни молиялаштиришга тайёр, аммо барчага маълум сабабларга кўра, улар анча эҳтиёткорлик билан иш тутмоқда».
Бизнесмен яна «Металлоинвест»дан ташқари «Мегафон» ва Mail.Ru ҳам эндиликда холдинг таркибига киришини қайд этиб ўтди.
Изоҳ (0)