Germanwings авиакомпаниясининг А320 йўловчи лайнерини Франция Альп тоғларида қасддан ҳалокатга учратган учувчи Андреас Любицнинг дафн маросими Германияда жамоатчиликдан махфий равишда бўлиб ўтди, дея хабар бермоқда «ТАСС» Bild газетасига таяниб.
Дафн маросими 27 июнь, шанба куни Монтабаур шаҳрида ўтказилди. Бунинг учун маҳаллий ҳукумат қабристонни уч соатга ёпиб туриш ҳақида қарор қабул қилди.
Қабрга ўрнатилган хочга учувчининг тўлиқ исм-шарифи ўрнига, исмининг Энди деб қисқартирилган шакли туширилди.
Germanwings авиакомпаниясининг Испаниядан Германияга учиб кетаётган А320 самолёти 24 март куни Франция жанубидаги тоғли ҳудудда ҳалокатга учраганди. Унинг бортида бўлган барча – 144 йўловчи ва экипажнинг олти аъзоси ҳалок бўлган.
Изоҳ (0)