Ўртаер денгизида Грециядан Туркияга сузиб кетаётган круиз лайнери 27 июнга ўтар кечаси нефт танкери билан тўқнашиб кетди. RBC.ru’нинг хабар беришича, ҳодиса натижасида лайнер бортида жабрланганлар бор, танкердан эса нефт сизиб чиқишни бошлаган.
Қайд этишларича, Малта байроғи остида Грециядан Истанбулга томон сузиб кетаётган Celestyal Crysta круиз лайнери бортида 853 киши ва экипажнинг 382 аъзоси бўлган. Танкердан қанча нефт сизиб чиққани, лайнерда неча киши жабрлангани ҳақида ҳозирча аниқ маълумот йўқ.
Хабар беришларича, тўқнашув ҳар иккала кеманинг айби билан юз берган, Дарданел бўғозидаги кемалар ҳаракатини назорат қилиш бошқармаси кемаларни тўқнашув хавфидан олдиндан огоҳлантирган эди. Ҳозирги вақтида лайнер ҳам, танкер ҳам Галлиполи яқинида лангар ташлаган.
Изоҳ (0)