Кореялик наркологлар алкоголизмга қарши курашда самара кўрсатган махсус ўйинни ишлаб чиқди, дея хабар бермоқда «Mail.ru».
Сеулдаги Чунан университетининг бир гуруҳ олимлари таъкидлашича, сурункали алкоголизмдан азоб чеккан 12 бемордан иборат тажриба гуруҳи ўйин туфайли спиртли ичимликдан бутунлай воз кечган.
Виртуал реаллик воситаларидан фойдаланиб алкоголизмни даволаш методикаси асосида шартли реакциянинг сўниши феномени ётади. Ўйин миядаги салбий ҳис-туйғулар ва беморни ташвишлантираётган мавзуни боғлаб турувчи занжирлар йўқолишини таъминлайди.
Ўйин уч босқичли бўлиб, биринчи босқичда бемор тинчлантирувчи шароитга тушиб қолади. Иккинчисида виртуал реалликдаги ресторан ва у ерда тортилаётган таомларни кўриш мумкин бўлади, бироқ дастурхонда алкоголь бўлмайди. Учинчи босқичда эса бемор спиртли ичимликларни суиистеъмол қилишнинг салбий оқибатларини кўради.
Даволаш жараёнида шифокорлар томографлар ёрдамида бемор миясининг ишини кузатиб борди. Уларнинг миясидаги ҳузур-ҳаловат маркази ўз меъёрига келди.
Изоҳ (0)