«Касперский лабораторияси» ихтиёрида унинг антивирус маҳсулотлари ишлаш алгоритмлари АҚШ Миллий хавфсизлик агентлиги (МХА) ва Буюк Британия ҳукумат алоқаси маркази томонидан кузатилганини очиқ кўрсатиб берувчи далиллар йўқ. «ТАСС»нинг хабар беришича, бу ҳақда компания асосчиси ва бош директори Евгений Касперский маълум қилган.
Унинг сўзларига кўра, МХА собиқ агенти Эдвард Сноуден томонидан фош этилан ва The Intercept нашрида эълон қилинган ҳужжатлардаги маълумот етарли эмас. Бу ҳужжатларда МХА ва Буюк Британия ҳукумат алоқаси маркази киберхавфсизлик бўйича энг йирик компаниялар, хусусан, «Касперский лабораторияси» ортидан жосуслик қилгани ҳақида сўз боради.
«Биз маҳсулотни бутун дунё бўйлаб тарқатамиз. Қайсидир иккинчи одам бу маҳсулотни тадқиқ этади. Учинчи бир киши эса иккинчи одам маҳсулотни тадқиқ этаётгани ҳақида гапиради. Қандай далиллар бўлиши мумкин? Бизда далиллар йўқ. Фақатгина ўзини гувоҳ деб атаётган одамларнинг сўзлари бор, холос. Улар нима топишган? Ҳеч нима. Биз бахтиёрмиз. Ташқи аудит учун катта раҳмат!», - дея қайд этди Касперский.
Бироқ, «Касперский лабораторияси»нинг корпоратив муносабатлар бўйича директори Денис Зенкиннинг сўзларига кўра, компания бу ҳодиса ҳақида Россия ҳуқуқни муҳофаза қилиш органларига ахборот берган.
Изоҳ (0)