АҚшнинг Ўзбекистондаги элчиси Памела Спратлен 24 июнь, чоршанба куни соат 16:00 дан 17:00 гача элчихонанинг Facebook’даги ўқувчилари билан Америка анъаналари тўғрисида онлайн чат ўтказади. Бу ҳақда АҚШ элчихонасининг Facebook’даги саҳифасида маълум қилинган.
Хабарда ёзилишича, элчи бир кишидан фақат битта савол қабул қилади ва виза билан боғлиқ бирор саволга жавоб бермайди. Саволлар инглиз, ўзбек ва рус тилларида қабул қилинади. Саволларни эълон ҳақидаги хабар остида изоҳ сифатида ҳозирданоқ қолдириш мумкин, бироқ элчи уларга фақат айтилган вақтда жавоб қайтаради.
Мулоқот якунида элчи энг қизиқарли учта саволни танлаб олади ва эълон қилади. Ғолиблар 26 июнь куни махсус совғани олиш ва Памела Спратлен билан суратга тушиш учун АҚШнинг Ўзбекистондаги элчихонасига таклиф қилинади.
Изоҳ (0)