«Ўзбекистон ҳаво йўллари» Миллий авиакомпанияси 2015 йилнинг 2 июлидан Беларусь пойтахти Минскка мунтазам қатновларини бошлайди. Тошкент—Минск—Тошкент йўналиши бўйича HY709/710 қатновлари ҳафтасига икки марта – сешанба ва пайшанба кунлари бажарилади, деб хабар беради «Ўзбекистон ҳаво йўллари».
Сешанба кунги қатнов Тошкентдан 18:50 да учади ва Минскка 22:05 да етиб боради. Минскдан 23:35 учиб кетади ва Тошкентга чоршанба куни соат 06:20 да етиб келади.
Пайшанба кунги қатнов Тошкентдан 07:00 да учади ва Минскка 10:15 да етиб боради. Минскдан 11:45 учиб кетади ва Тошкентга соат 18:30 да етиб келади.
Жадвалда соатлар ҳар бир аэропорт учун маҳаллий вақтларда кўрсатилган.
Изоҳ (0)