Хоразм вилоятининг чекка туманларидан бирида жойлашган хонадондан зиёратчиларнинг қадами узилмайди. Ҳар бир инсон бир бор бўлса-да, хонадоннинг табаррук эгасини зиёрат қилишга шошилади, деб хабар беради «Nargis.uz».
Бунинг сабаби бор албатта. Мазкур хонадонда истиқомат қилаётган ва 120 ёшга қараб кетаётган Момохон Романова 1896 йилда таваллуд топган. Онахон хонадонига ташриф буюрган ҳар бир инсонга узоқ умр, юртга тинчлик ва фаровонлик тилаб, дуога қўл очган ҳолда қарши олади.
Янгибозор туманида истиқомат қилаётган Момохон Романовани том маънода пиру бадавлат инсон, деб аташ мумкин. 11 фарзанднинг онаси, 50 дан зиёд невара, етмишинчи чеварасини бағрига босган онахон уч асрлик тарихнинг ёрқин сиймосидир.
Момохон Романовага қадар Ўзбекистонда яшовчи дунёнинг энг ёши улуғ инсони – Тўти момо Юсупова эди. Қорақалпоғистонлик Тўти Юсупова 2015 йил баҳорида 135 ёшида вафот этганди.
Эслатиб ўтамиз, расман дунёнинг энг кекса кишиси деб тан олинган америкалик Жералиэн Тэлли 17 июнь куни 116 ёшида оламдан ўтган.
Изоҳ (0)