АҚШнинг Чарльстон шаҳридаги черковда тўққиз нафар афро-америкаликни отиб ташлаган Дилан Руфнинг мурожаатномаси интернетдан топилди, дея хабар бермоқда «Эхо Москвы».
Матн 21 ёшли оқ танли америкаликнинг ирқчилик, нацизм ва қора танлиларга нисбатан нафрат ғояларига муккасидан кетганини кўрсатади.
Америка адлия вазирлиги ушбу жиноятни террорчилик ҳаракати деб атамоқда, аммо ФҚБ вакиллари бундай фикрни маъқулламаяпти.
Чарльстон черковидаги фожиа 17 июнь, чоршанба куни содир бўлди. Асосан афро-америкаликлар қатнайдиган черков ташрифчиларига 21 ёшдаги оқ танли йигит ўқ узган. Натижада олти нафар аёл ва уч эркак ҳалок бўлди. Улар орасида черков руҳонийси ва Жанубий Каролина штати қонунчилик кенгаши сенатори Клемент Пинкни ҳам бор эди.
Эслатиб ўтамиз, аввалроқ черковда ўлдирилган тўққиз кишидан баъзиларининг қариндошлари ўқ очган 21 ёшли Дилан Руф билан учрашган ва уни кечиришларини айтган эди.
Изоҳ (0)