Ўтган йил сентябрида Оқ уй панжарасидан сакраб ўтиб, АҚШ президенти қароргоҳига бостириб кирган америкалик Омар Гонсалес Вашингтон суди томонидан 17 ойлик қамоққа маҳкум этилди, деб ёзади ТАСС.
Руҳий хасталикдан азоб чекувчи Гонсалес, шунингдек аввалроқ бошлаган даволаш курсини давом эттиришга ваъда берди. Бундан ташқари, унда Оқ уйга ҳужум қилиш учун мойиллик яна пайдо бўлмаслиги учун, унга Вашингтонга бошқа келмаслик буюрилди.
Март ойида 43 ёшли Гонсалес айбловнинг бир нечта бандлари бўйича ўз айбини тан олган эди, жумладан у ноқонуний равишда қурол сақлаганлигини эътироф этган (Оқ уйга бостириб кирганида унинг ёнида қайирма пичоқ бўлган). 15 июнь куни у ўз қилмишидан афсусда эканлигини айтган.
Изоҳ (0)