Австралиялик Дон Ричи умидсизлик ва ҳафсаласизликка тушган кишиларнинг севимли макони — The Gap қояси ёнгинасида яшаб, уларнинг ҳаётини сақлаб қолиш учун ҳар куни бу ерга келган кишиларни кузатди, деб ёзади «Adme.ru».
Жонига қасд қилиш ниятидаги кишиларни кўрганида, Дон уларни суҳбатга тортган, шундан сўнг уларни уйга кириб, бир пиёла чой устида муаммолари ҳақида сўзлаб беришга таклиф қилган. У одамларни яшашда давом этиб, муаммолар билан курашишга кўндиришга муваффақ бўларди. Доннинг ўзи эса онкологик касалликдан азоб чеккан.
Расмий маълумотларга кўра, Дон 163 кишининг ҳаётини сақлаб қолган, ва бунинг учун кўп бора мукофотланган. 2010 йилда эса у ва рафиқаси йил фуқаролари бўлган. Ричининг қариндошлари у аслида 500 дан зиёд кишини қутқарганини таъкидлайди.
Дон Ричи 2012 йилда 86 ёшида вафот этди.
Изоҳ (0)