Британиялик эркак Форрест Гамп қиёфасида 42 кун ичида 42 та марафонни югуриб ўтди

Буюк Британия фуқароси Эван Гордон хайрия учун пул йиғиш мақсадида «Форрест Гамп» фильми бош қаҳрамони қиёфасида кетма-кет 42 кун 42 километрдан югурди, дея хабар бермоқда TJournal.

Гордон 4 май куни Шотландия шимоли-шарқидаги Жон O’Гроатс қишлоғида старт олди ва 14 июнь куни мамлакат жануби-ғарбидаги Лендс-Эндда маррага етиб келди.

Пойга 2014 йилда 9 ёшида Коккейн синдроми деб аталадиган ноёб касалликдан вафот этган Томас Лори исмли болакай хотирасига бағишланди.

Гордон 9 минг фунтга яқин маблағ йиғди, уни учта хайрия ташкилотига топширди.

«Одамлар буни ҳақиқатда кулгили деб ўйлади, ва кўпчилик ‘Югур, Форрест, югур!’ — деб бақирди», — деди Гордон.