Индонезия Россия ва яна 44 та мамлакат учун визасиз режимни жорий қилди

Индонезия 45 та давлат учун визани бекор қилди, дея хабар бермоқда «Коммерсант».

«Индонезия Республикасининг бошқа давлатлар билан алоқаларини яхшилаш, шунингдек миллий тараққиётдаги бош мақсадларни таъминлаш учун президент Жоко Видодо визасиз саёҳатлар тўғрисидаги фармонни имзолади», — дейилади Индонезия вазирлар маҳкамаси расмий сайтида.

Фуқаролари Индонезия билан чегарани қўшимча расмиятчиликларсиз кесиб ўтиши мумкин бўлган давлатлар рўйхатига Россия, Венгрия, Хитой, БАА, Польша, Корея Республикаси, АҚШ, Япония ва бошқалар кирди.

Таъкидланишича, ушбу мамлакатлар фуқаролари Индонезияда сафар вақтини ёки режимини узайтириш ҳуқуқисиз 30 кун давомида визасиз туриши мумкин.