АҚШнинг Аризона штатида яшовчи эркак мингга яқин асаларининг чақишидан сўнг ҳам омон қолди. Бу ҳақда The Guardian хабар бермоқда.
Маъмурият маълумотларига кўра, жабрланувчи ўзига ажратилган ҳудудда ишлаётганда кутилмаганда асалариларни безовта қилиб қўйган. Унга ўн минглаб асалари ҳужум қилиб, чақишни бошлаган. Эркак машинасигача қочиб боришга улгурган.
Оқибатда уни касалхонага ётқизишган ва ҳозирги вақтда жабрланувчи ўзини яхши ҳис қилмоқда. Асаларилар ҳужуми вақтида жабрланувчига ёрдам беришга уринган икки ўткинчи ҳам зарар кўрган, бироқ уларни касалхонага ётқизиш зарурати туғилмаган.
Ҳодиса жойига чақирилган асаларичининг ўзини ҳашаротлар 23 марта чақиб олган. Унинг фикрича, асаларилар ҳодисадан сўнг ўзига келиб, одатий ҳаёт тарзига қайтиши учун бир неча кун керак бўлади.
Маъмурият ҳудуд аҳолисини ҳашаротларни ёпиқ иншоотларда сақлашга чақириб, ҳодиса жойига яқинлашмаслик, унга яқин жойдан ўтаётганда эса автомобилларнинг ойнасини ёпиб олиш ҳақида огоҳлантирди.
Изоҳ (0)