Февраль ойида ўлдириб кетилган россиялик мухолифатчи Борис Немцовнинг қизи Жанна отасининг номи билан фонд ташкил этилишини эълон қилди. Бу ҳақда «Новая газета» хабар бермоқда.
«Жанна Польшада марҳум отаси учун берилган Freedom Award’ни қабул қилиб олди ва Борис Немцов фонди ташкил этилишини эълон қилди», - деб ёзди Немцовнинг яқинларидан бири Иля Яшин ўз твиттерида.
Фонд фаолияти айнан қайси соҳаларни қамраб олишига Яшин аниқлик киритмади.
9 июнь куни Жанна Немцова, бир қатор таҳдидлардан сўнг, Россияни тарк этгани маълум бўлганди. Унинг қайд этишича, Россия ҳокимиятини танқид қилганларнинг барчаси хавф-хатар остидадир.
Жанна Немцова отасининг ўлими учун сиёсий жавобгарликни Россия президенти Владимир Путинга юклади.
Эслатиб ўтамиз, сиёсий арбоб Борис Немцовни 27 февраль оқшомида Москва марказида отиб кетишганди.
Изоҳ (0)