Ёшлар ўртасидаги ЖЧнинг нимчорак финалидаги Австрияга қарши баҳсда иккита гол уриб, қаҳрамон бўлган Достон Ҳамдамов ўтган ва бўлажак ўйинлар ҳақида фикрларини билдирди, деб хабар қилади «Championat.asia».
«Австрия билан ўйин анча мураккаб кечди. Албатта, ҳеч бир муваффақиятга қийинчиликсиз эришилмайди. Австрияни аҳиллик эвазига ютдик.
Сенегал ҳам кучли жамоа. Уларнинг ўйинларини кузатдик, айниқса, дарвозабонлари анча яхши ҳаракат қилар экан. Чорак финалда ҳам чиройли ўйин кўрсатиб, Ватанимга ғалаба тақдим қилмоқчи эдим, бироқ 2 та сариқ карточка туфайли ушбу ўйинни ўтказиб юбораман.
Умид қиламанки, жамоадошларим менинг ўрнимни билинтирмайди ва ҳар қачонгиданда кучли ўйин кўрсатади. Насиб бўлса, Ўзбекистонимиз тарихида қоладиган янгилик қиламиз», — деди Ҳамдамов.
Эслатиб ўтамиз, U-20 ЖЧнинг чорак финалидаги Ўзбекистон — Сенегал учрашуви 14 июнь куни Тошкент вақти билан соат 09:30 да бошланади.
Изоҳ (0)