Халқаро футбол ассоциациялари федерацияси (ФИФА) президенти вазифасини бажарувчи Йозеф Блаттер Европарламент аъзолари таклифига биноан зудлик билан истеъфога чиқишни рад этди, деб хабар қилади Associated Press.
«ФИФА Европарламентнинг резолюциясидан ажабланди. Блаттер ўз лавозимини навбатдан ташқари конгрессда бўшатиб беришини маълум қилиб бўлган», — деди федерация вакили.
ФИФАнинг янги президентини сайлаш учун ўтказиладиган навбатдан ташқари конгресс санаси 20 июлда эълон қилинади.
11 июнь, пайшанба куни Европарламент томонидан қабул қилинган резолюция ФИФА раҳбари вазифасини вақтинча бажарувчини тайинлаш таклифи ҳамда 2018 ва 2022 йиллардаги жаҳон чемпионатларини ўтказиш учун аризалар бўйича тергов ўтказишга чақириқни ўз ичига олганди.
Изоҳ (0)