Чирчиқ олимпия захиралари коллежида Учқун Муродов хотирасига бағишланиб XXI бор ўтказилаётган халқаро турнир бошланди, деб хабар беради Ўзбекистон Миллий олимпия қўмитаси матбуот хизмати.
Мазкур мусобақада Ўзбекистон, Қозоғистон ва Тожикистондан келган жами 114 нафар ўсмирлар ва кадетлар халқаро турнир ғолиблиги учун беллашади. Ушбу мусобақа, шунингдек, 2018 йили Аргентинада ўтказиладиган ўсмирлар олимпиада ўйинларининг лицензиялари учун рейтинг очколар ҳам ўйналади.
11 июнь куни халқаро турнирнинг дастлабки кунида ўсмирлар ўртасида 8 та вазнда (4 вазнда ўсмирлар – 4 вазнда қизлар) мусобақалар ўтказилди.
Мазкур мусобақаларда Ўзбекистон спортчилари 8 та олтин, 8 та кумуш ва 8 та бронза медалига сазовор бўлди. Яъни олтин ва кумуш медалларнинг барчаси Ўзбекистон терма жамоаси аъзолари томонидан қўлга киритилди.
Шу куни қозоғистонликлар учта бронза медалига сазовор бўлган бўлса, яна битта бронза медали Тожикистон терма жамоаси вакилига насиб этди.
Изоҳ (0)