Тошкент шаҳри кўчаларининг бирида ўзбек эстрадаси юлдузи латофатли Лоланинг таниқли ва истеъдодли фотограф Равшания билан ҳамкорликдаги фотосессияси бўлиб ўтди, деб хабар беради «Popcorn.uz».
Ёзнинг жазирама кунлари, қуёш заминни ўзининг нурлари билан қизитиб турган бир паллада хонанда ва унинг жамоаси 5 соатдан ортиқроқ меҳнат қилди. Шуни ҳам таъкидлаб ўтиш керакки, Лоланинг бу барча ҳаракатлари фақатгина бир дона фотосурат учун бўлди.
Хабарингиз бор, ўзбек эстрадаси санаъаткорлари орасида Лола ўзининг ижоди, имиджи билан бошқалардан тубдан фарқ қилади ва ҳар бир қилаётган ишига ўзгача ёндашади. Санъаткорлар орасида эса Лола биринчилардан бўлиб Левитация услубидаги фотосессияни ўтказмоқда.
Равшания бугунги кунда Россия ва Европа юлдузлари билан ҳамкорлик қилмоқда. Тошкентга эса у Лола билан анчадан буён режалаштирилган фотосессия сабаб етиб келган. Айни дамда Лоланинг 2015 йилги яккахон концерт дастури учун режалаштирилган фотосессия ўз ниҳоясига етди.
Лола ва Равшаниянинг ҳамкорлиги 2012 йилдан бошланган.
Тез кунда Равшаниянинг ўзгача, яъни ҳеч қандай фотошоп ва графикасиз Левитация услубидаги ижод намунасига баҳо бериш мумкин бўлади.
Изоҳ (0)