Европа Чемпионлар лигаси финалидаги «Ювентус» ҳамда «Барселона» клублари ўртасидаги учрашув ўз ниҳоясига етди. Унда 3:1 ҳисобида каталонияликлар ғалаба қозонди, деб хабар беради «Uff.uz».
Дастлаб, Иньестанинг узатмасидан сўнг Ракитич яқин масофадан Буффонни доғда қолдирган бўлса, 55-дақиқага келиб Мората жавоб голини киритишга муваффақ бўлди.
Иккинчи бўлимнинг 68-дақиқасида Суарес «Барса»нинг тезкор ҳужумини гол билан якунлаб, ҳисобни 1:2 кўринишга олиб келди. Ўйиннинг сўнгги дақиқаларида эса ҳужумга берилиб кетган туринликларни Неймар гол билан жазолади ва якуний натижани ўрнатди.
Шу тариқа, «Барселона» Европа Чемпионлар лигаси ғолиблигини қўлга киритди!
Бу «Барселона»нинг турнир тарихидаги бешинчи ғалабасига айланди. Шу сабабли клуб Чемпионлар лигаси кубогини ўзида умрбод олиб қолади.
Жамоанинг барча мухлисларини мазкур муваффақият билан чин дилдан табриклаймиз!
ЕЧЛ—2014/15. Финал
Ювентус (Италия) – Барселона (Испания) 1:3 (0:1)«Олимпияштадион», Берлин.Голлар: 0:1 – 4 Ракитич, 1:1 – 55 Мората, 1:2 – 68 Суарес, 1:3 – 90+7 Неймар.Ювентус – Буффон, Лихтштайнер, Бонуччи, Барзальи, Эвра (Коман, 89), Маркизио, Пирло, Видаль (Перейра, 79), Погба, Мората (Лоренте, 85), Тевес.Барселона – тер Стеген, Дани Алвес, Бускетс, Пике, Альба, Инеста (Хави, 78), Маскерано, Ракитич (Матьё, 90), Неймар, Месси, Суарес (Педро, 90).Огоҳлантиришлар: Видаль (11), Погба (41), Суарес (70).
Изоҳ (0)