ФИФАнинг собиқ вице-президенти ва КОНКАКАФ (Шимолий ва Марказий Америка ва Кариб ҳавзаси мамлакатлари футбол конфедерацияси) собиқ раҳбари Жек Уорнернинг ўғли Дэриан ЖЧ-2006 ва ЖЧ-2010 чипталарини ноқонуний қайта сотиш билан шуғулланганини тан олди. Бу ҳақда ТАСС хабар бермоқда.
Дэриан Уорнер укаси Дэрил ва отаси каби ФИФАдаги коррупция иши бўйича тергов қилинмоқда. Айни вақтда Жек Уорнер мазкур жиноят ишида асосий гумонланувчидир. «Мен ЖЧ-2006 ва ЖЧ-2010 чипталарини сотиб олиб, бундан яхши фойда чиқариш мумкинлигини тушуниб, қайта сотгандим», - деди Дэриан АҚШдаги судда. Унинг қайд этишича, фақат ЖЧ-2006 чипталарини бевосита ФИФАдан олган.
Асли Тринидад ва Тобаго фуқароси бўлган ва АҚШда меҳнат фаолиятини олиб борувчи Дэриан Уорнер солиқ тўловларидан бўйин товлаганликда ҳам айбланмоқда. У 20 йилгача озодликдан маҳрум этилиши мумкин.
Изоҳ (0)