Хитойдаги энг катта хорижий инвесторлардан бири Таиланднинг энг бадавлат одами деб топилди

Forbes танловига кўра, CP Group компанияси эгаси Тханин Чиараванон Таиланднинг энг бадавлат одами деб топилди. «РИА Новости»нинг хабар беришича, ушбу компания Хитой ва Россиядаги энг йирик инвесторлардан бири ҳисобланади.

Бойлиги 14,5 миллиард долларга баҳоланган 70 ёшли ишбилармон Хитой 1980 йилларда илк бор чет эллик инвесторлар учун очиқ мамлакат деб эълон қилинганида, биринчилардан бўлиб унга инвестиция киритган ва ҳозирги кунга қадар мазкур мамлакатнинг энг йирик хорижий инвесторлардан бири ҳисобланади.

Гуруҳ асосан агросаноат корхоналарини ишга тушириш, чорвачилик ва уй ҳайвонлари учун ем тайёрлаш, креветка кўпайтириш, озиқ-овқат саноати маҳсулотлари, ярим тайёр озиқ-овқат маҳсулотлари ва тайёр егуликлар билан чакана ва улгуржи савдо қилиш билан шуғулланади. CP Group Таиланддаги 7/11 минимаркетлари тармоғи, компьютер технологиялари, мотоцикллар ишлаб чиқариш (Хитойда) корхоналари, кўчмас мулк билан савдо қилувчи ва девелоперлик бизнэсларига ҳам эга.

Рўйхатда иккинчи ўринни Chang алкоголь ичимликлар ва пиво ишлаб чиқариш ҳамда йирик девелоперлик ва меҳмонхона бизнеси эгаси Чарен Siriваттханапхакди (бойлиги 13 миллиард долларга баҳоланган), учинчи ўринни эса Central савдо мажмуалари тармоғига эгалик қилувчи Чиратхиват оиласи (бойлиги 12,3 миллиард доллар) эгаллади.