Халқаро шахмат федерацияси ФИДЕ шахматчиларнинг июнь ойи учун янги рейтингини эълон қилди. Унга кўра, ўзбекистонлик 17-жаҳон чемпиони Рустам Қосимжонов рейтингда 41-ўринни эгаллаб турибди, деб хабар беради «Olamsport.com».
Май ойида Қосимжонов 35-поғонадан ўрин олган эди. Амалдаги жаҳон чемпиони норвегиялик Магнус Карлсен ҳали ҳам рейтинг пешқадами бўлиб турибди. Кучли учликдан италиялик Фабиано Каруана ҳамда собиқ жаҳон чемпиони ҳиндистонлик Вишванатан Ананд жой олган.
Кучли ўнталик: Магнус Карлсен (Норвегия) — 2876, Фабиано Каруана (Италия) — 2805, Вишванатан Ананд (Ҳиндистон) — 2804, Хикару Накамура (АҚШ) — 2802, Веселин Топалов (Болгария) — 2798, Владимир Крамник — 2783, Александр Гришук (иккиси ҳам Россия) — 2781, Левон Аронян (Арманистон) — 2780, Уэсли Со (АҚШ) — 2778, Аниш Гири (Голландия) — 2773.
Ўзбекистонлик шахматчилар рейтинги: GM Рустам Қосимжонов — 2704, GM Антон Филиппов — 2591, GM Жаҳонгир Воҳидов — 2535, GM Марат Жумаев — 2502, GM Михаил Салтаев — 2495, GM Сайдали Йўлдошев — 2471, GM Алексей Барсов — 2455, GM Тоҳир Воҳидов — 2445, FM Нодирбек Абдусатторов — 2443, FM Акмал Файзуллаев — 2418.
Изоҳ (0)