Ўзбекистонлик ёш истеъдодли теннисчи Жўрабек Каримов Париж шаҳрида давом этаётган «Катта Дубулға» туркумига кирувчи «Ролан Гаррос» турнирнинг ўсмирлар ўртасидаги баҳсларида муваффақиятли иштирок этяпти. Ўзбекистонлик теннисчи учинчи давра иштирокчисига айланди, деб хабар қилади «Olamsport.com».
Жўрабек илк босқичда франциялик Максим Петелни 6:1, 6:4 ҳисобида мағлуб этди. Иккинчи даврада кореялик Сеонг-Чан Хонгдан 6:2, 6:3 ҳисобида устун келди. Энди у учинчи босқичда турнирнинг 13-ракеткаси, дунё рейтингида 528-ўринни эгаллаб турган АҚШ вакили Томми Паулга қарши кортга чиқади.
Таққослаш учун, Жўрабек Каримов ATP рейтингида 893-поғонадан жой олган. Ўзбекистонлик теннисчи шу йили Австралия Очиқ чемпионатининг ярим финалига қадар етиб бориб, ўзига хос шов-шув сабабчисига айланган эди.
Изоҳ (0)