«Наполи»нинг собиқ бош мураббийи Рафаэль Бенитес расман «Реал»ни қабул қилиб олди, деб хабар беради «Sports.ru».
55 ёшли мутахассис билан тузилган шартнома 3 мавсумга мўлжалланган.
Бенитесни таништириш маросими ва матбуот анжумани 3 июнь куни маҳаллий вақт билан 13:00 да ўтказилиши режалаштирилган.
Олдинроқ Бенитеснинг Мадридда йилига 4 миллион евро маош олиши хабар қилинганди. Испаниялик мураббий 1989 йилдан 1994 йилгача «Реал» системасида ишлаган. Аввалига у ёшлар жамоаси мураббийи бўлган, кейин эса биринчи жамоада бош мураббийга ёрдамчилик қилган.
Изоҳ (0)