Ўзбекистон ёшлар терма жамоаси жаҳон чемпионати, гуруҳ босқичи иккинчи турида Германияга қарши майдонга тушди ва йирик ҳисобда мағлубиятга учради, деб хабар беради «Uff.uz».
Учрашувда Германия ёшлар терма жамоаси 3:0 ҳисобида ғалабага эришган. Ўйин бошидан охирига қадар немислар ташаббуси остида ўтди. Равшан Ҳайдаров жамоаси эса ҳимоя билан банд бўлди. Фақат иккинчи голдан сўнг ўзбекистонлик ёшлар ҳужумга ўта бошлади.
Аммо Ўзбекистон терма жамоаси жуда кеч ҳужумга ўтди. Бу вақтга келиб Германия ташаббусни батамом ўз қўлига олиб улгурган ва бирор нарсани ўзгартиришнинг имконияти жуда оз эди. Оқибатда немислар учинчи голни ҳам урди.
Шу тариқа Германия терма жамоаси муддатидан олдин нимчорак финал йўлланмасини қўлга киритиб бўлди. Ўзбекистон ёшлар терма жамоаси эса охирги турда Фижига қарши кечадиган ўйинда яна бир бор ўз бахтини синаб кўради.
Айни вақтда Германияда 6 очко, Гондурас ва Фижи термаларида 3 очко мавжуд, Ўзбекистон эса биронта ҳам очко тўплолмай гуруҳда сўнгги ўринда бормоқда.
U-20 ЖЧ-2015. F гуруҳи. 2-тур
Германия — Ўзбекистон — 3:0 (1:0)Голлар: Штендера (33), Акпогума (53), Штендера (85).Германия U-20: Швабе, Проемел, Акпогума, Штарк, Оезтунали, Штейнман, Штендера (Сайр, 89), Брандт (Дудзиак, 68), Кемпф, Бауэр, Мухтар (Коепке 74).Ўзбекистон U-20: Дилшод Ҳамроев, Рустам Ашурматов (Хуршид Ғиёсов, 68), Иброҳим Абдуллаев, Одил Ҳамробеков, Акром Комилов, Жавоҳир Соҳибов, Элдор Шомуродов, Отабек Шукуров (Миржамол Қосимов, 86), Достон Ҳамдамов (Сардор Азимов, 88), Забиҳилло Ўринбоев, Достон Турсунов.Огоҳлантириш: Ашурматов (20).
Изоҳ (0)