Қозоғистоннинг Жанубий Қозоғистон вилояти Пахтаорол тумани Жетисай шаҳрида умумий миллий синовга боришни истамаган қизга унинг севган йигити ёрдам бермоқчи бўлди, дея хабар қилмоқда «Nur.kz».
Бунинг учун йигитча кўйлак кийиб, ясама соч қўйиб олди, юзига пардоз чаплашни ҳам унутмади. Бироқ фирибгарлик имтиҳон топшириш марказига кириш жойидаёқ фош қилинди. У тажрибали назоратчилар эътиборидан четда қолмади.
Йигитнинг сўзларига кўра, у қизга ёрдам бериш учун атайлаб бошқа вилоятдан етиб келган. У Қозоғистон-Британия техника университети талабаси эканлиги хабар берилмоқда.
Битирувчи қиз энди имтиҳонни қандай топшириши номаълум.
Изоҳ (0)